Socio kultura

Sosio Kultura Suku Sagadate

Suku Sagadate iha ninia kustume kultura ne'ebé mak orijem husi bei ala bizavo sira iha jerasaun ba jerasaun ne'ebé mak konsidera nafatin iha vida moris ba komunidade lokal nian iha suku Sagadate hanesan Soru tais, serimonia Dada ailulik (Atefalu rei), serimonia Olobei, serimonia Barlakiadu, lia mate no lia moris. Jeralmente lisan konsidera hanesan lei ida ne'ebé preisiza halo tuir tanba lisan iha ninia impaktu positivu no impaktu negativu ba moris ema nian. Impaktu positivu katak wainhira ema halo tuir sei hetan isin diak, vida moris naruk no sei hetan susesu iha vida individual no vida kolektivu. Impaktu negativu katak wainhira la halo tuir, ema ne'ebe indika ba individual sei hetan susar, mate no insusesu ba nia/sira nia vida tomak.