Turizmu Kulinaria
Kulu
Kulu hanesan produtu kulinaria iha suku Sagadate
ne'ebé komunidade sira sempre han hodi konsumi. Iha
suku Sagadate iha kulu ne'ebé barak tebes, no liu husi kulu ne'e inan ferik
sira aproveita hodi ba fa'an iha merkadu atu bele sustenta sira nian moris. Kulu
ne'ebé sira halo hodi konsumi no ba fa'an mak hanesan kulu gisa (kulu tunu),
kulu sona no kulu bafa. Husi kulu hirak ne'e kulu gisa (kulu tunu) ho kulu sona
maka inan ferik sira sempre ba fa'an iha merkadu. Kulu gisa ho presu $2.00. no
kulu sona sira faan ida $ 0.10.
Hudi
Hudi hanesan produtu kulinaria ne'ebé hola parte
mos iha suku Sagadate. Iha suku Sagadate hudi hola parte mos
ba iha produtu lokal, tanba maioria komunidade barak maka kuda hudi atu nune'e
wainhira hudi tasak ona inan feerik no katuas sira bele ba fa'an iha merkadu. Dalaruma hudi sira uza hodi konsumi ba iha sira
nia moris loron-loron hanesan iha serimonia kultura lia mate no lia moris, inan
feriik sira sempre halo hudi sona, hudi da'an no hudi bafa hodi hamaluk cha ho
kafe. Hudi ne'ebé sira fa'an barak liu maka hudi tasak. Inan ferik no katuas
sira sempre fa'an hudi iha merkadu, hudi sasuik ida ho folin $1.00.
Tukir
Tukir sai hanesan produtu kulinaria iha suku
Sagadate, ne'ebé halo husi na'an bibi, maioria komunidade iha suku Sagadate
sira sempre konsumi wainhira halo adat ruma hanesan lia mate no lia moris.
Tukir mos koñesidu tebes iha suku Sagadate tanba lia ruma ema sempre tein hela
deit. Tukir ne'ebé sira halo mak hanesan tukir tunu tau iha au laran no tukir
bafa. Tukir sai haneesan ona
hahan lokal ne'ebé uluk beiala no bizavo sira tein, no inan ferik sira kontinua
to iha jerasaun ba jerasaun, no iha parte seluk tanba tukir halo husi na'an
bibi fasil atu hetan iha foho, no liu husi na'an bibi sir abele halo tukir ho
nodelu oi-oin hanesan tukir tunu no tukir bafa.
Tua Mutin
Tua mutin sai hanesan bebidas ne'ebé hola parte iha produtu kulinaria iha suku Sagadate, tanba maioria suku ne'e rasik wainhira iha serimonia kultura adat hanesan lia mate no lia moris ema sempre hemu tua mutin. Maioria ema produz tua hodi ba fa'an atu bele sustenta sira ninia nesesidade loron-loron nian. Tua mutin sei fahe mos ba parte Rua (2) mak hanesan tua ulun no tua alin. Tua ulun hanesan tua ne'ebé forte liu no halo ema lanu lalais, no tua alin hanesan tua ne'ebé ladun forte. Tuir Sr. Matias katak tua ne'ebé sira produz sira sei ba fa'an ho presu ne'ebé la hanesan. Tua ulun jerken ida ho folin $20.00 no kuandu fa'an iha aqua ida ho folin $10.00. Tua alin jerken ida ho folin $10.00 no kuandu fa'an iha aqua ida ho folin $5.00.
Kumbili
Kumbili hanesan hahan lokal iha suku Sagadate. Kumbili sai hanesan produtu lokal ne'ebé maioria komunidade sira kuda hodi ba fa'an iha merkadu. Laos ba fa'an deit maibe kumbili ne'ebé komunidade sira kuda sira sempre konsumi iha sira nia moris loron-loron I dalaruma mos konsumi iha serimonia adat ruma haneesan lia mate no lia moris. Kumbili ne'ebé maka sira konumi mak hanesan kombuli tunu no kumbili daan. Kumbili ne'ebé sir aba fa'an iha merkadu mak hanesan kumbili tunu no kumbili ninia isin wainhira sira ba ke'e iha tos laran. Kumbili tunu inan ferik sir aba fa'an iha merkadu ho presu $2.00 no kumbili ne'ebe la tunu sira fa'an karon ida $5.00 iha merkadu.
Fehuk (Dame)
Fehuk hanesan produtu lokal ne'ebé eziste iha suku Sagadate, no fehuk koñesidu tebes iha Sagadate tanba kuaze komunidade tomak sempre konsumi fehuk, no husi fehuk ne'e mos inan ferik no katuass sira kuda hodi ba fa'an iha merkadu hodi sustenta sira nia moris loron-loron nia. Iha suku Sagadate fehuk ho lian makasae katak "dame". Fehuk mos hanesan produtu kulinaria iha suku refere. Tnba maioria kuandu iha adat kultura hns lia mate no lia moris ema sempre konsumi "dame". Fehuk ne'ebé sira konsumi maka hanesan fehuk sona, fehuk da'an no fehuk tunu. Fehuk ne'ebé ferik no katuas sir aba fa'an iha merkadu maka ho presu karon ida $3.00 no fatin ida $1.00.
Batar
Batar hanesan produtu lokal iha Sagadate, ne'ebé
konsumi iha sira ninia moris loron;loron. Batar ne'ebé kuaze iha suku Sagadate
konsumi maka batar da'an ka iha lian makasae katak "teli boro", batar tunu, batar sona. Batar mos inan ferik ho katuas
sira kuda hodi lori ba fa'an iha merkadu ho folin fatin ida $2.00.
Ai-Farina
Ai-farina sai hanesan mos produtu kulinaria
ne'ebé eziste iha suku Sagadate. Komunidade sira iha suku ne'e rasik dalaruma
konsumi iha sira ninia nesesidade loron-loron nian. Ai-farina ne'ebé sira konsumi
maka hanesan ai-farina da'an, ai-farina sona. Ai-farina ne'ebé sira fa'an iha
merkadu ho presu $2.00 fatin ida kuandu karon ida ho presu $5.00.